لا تناديني

من طرف مجنون طبعك الأحد يناير 11, 2009 12:51 pm

لاتنــاديني حبيــــــــــــــبي دام ماتعرف تنادي
لاتنــــادي جـــــرح قلبي كان ماتــــنوي علاجه

تشتــــهي الجروح فيني يعني تتعمد عنـــــــادي
كن قلــبك يحتويني لين يتـــــــــــــــــغير مزاجه

خـفف طعونك حبيبي كان اطباعك ســـــيادي
بس لا تحرق لي قلب مسكنك داخـــــــــل سياجه

عادي تبقى في وجودي مثل ما فرقاي عادي
وشهو يعني لو خسرت انسان مالك فيه حاجــــه؟

ياللــي احلم فيه قربك ليه تستحـــــــــلى بعادي
ليه حبنا صـــــــــار عندك نور واتلاشى وهاجـه

كل هالعالم في وادي وانت بروحك في وادي
اه لو تدري غلاتــــــك كان طالبت احتـــــجاجه

بس ما يحتج فيني هالغلا وانـــــــــــت ودادي
كيف تطلب احتجاجه وانـــــــت عــنده كل حاجه

الظلوع اللي تلمك ذاقــــــــــــت انواع الوكـادي
وظلـــــــــعي اللي يرتجــيك بكره تزيد اعوجاجه

مرة تملينــي حنانك ومرة ماتــــــــرحم فؤادي
ومرة تتعمد عنـــــــــــــادك قاصد لقلبي حراجـه

شوفني كيف اتفـــهم قدر ما امكـــــــــن حيادي
اتحــــــــــــمل قــــــو قلبك واتــــحمل ازدواجـــه

بـس اذكرك يا شجوني لا تعجل ارتـــــــدادي
لان لو فاضـــــــــــت عيوني يعني لازم انــتواجه

لا تـغرك كل ضحكه ترتــــــسم وجه الغوادي
لا يغرك بحر حبي حــــــــــــــتى ما يعلن هيـاجه

تحـترق جمرات حرة تحت انـــقاض الرمادي
لا تنفضها في نفسي وانــــــــــــــت بعدين اتفاجه

خلنـا احباب احسن شيل من ليلــــــــك سوادي
خلني قمرة حياتك تحتـــــــــــــري لحظه فراجه

وانتـــــغزل باليالي وانــــــــــــــــتغزل بالبوادي
خلــــــــــــــــني مرة احس الليل يرسم ابتهاجـه

صـار نهـجي هو طريقك يتبعك مثل الجوادي
فارسي انته ولكــــــن لا تغـير لي نــــــــهاجـه

لاتعيد الصوت كرة ياللي عذبـــــت المنادي
ذاب اسمي من شفاتك تـــاه من كثرة رواجــه

مــــجــــنــــون طــــبــــعـــك

من طرف dalzaeem الأحد يناير 25, 2009 9:38 am

تسلم يا غالي

لا تناديني

لا تناديني

رد: لا تناديني