من غير ليه

من غير ليه

جايين الدنيا ما نعرف ليـــــه
ولا رايحين فين ولا عايزين ايــــه
مشاوير مرسومه لخطاوينـــــا
نمشيها في غربة ليالينـــا
يوم تفرحنا ويوم تجرحنــــا
واحنا ولا احنا عارفيـــــن ليـه
وزي ما جينا جينــــــا
ومش بإيدينا جينـــــا

زي ما رمشك خذ ليالـــيّ وحكم وامر فيها وفـــيَ
ولقيت بيتي بعد الغربة وقلبك ده وعيونــــــك ديّ
ولقيت روحي ف أحضان قلبك بحلم واصحى واعيش على حبك
حتى في عز عذابي بحبك عارف ليه .. من غير ليــــــه
من غير ليه آه يا حبيبي بحبــك
***
ياللي زمان رماني في بحر عنيــك ونساني وقالي : انسانــــــي
بحر عنيك يا حبيبي غريـــق لكن فيه احلى ليالي زمانـــي
تهت وتاهت دنيتي منـــي بين افراحي .. وبين اشجانـــي
دنيتي غنـــــوة .. لأ تنهيـــــــــدة .. لأ
لأ شيء تاني .. لأ شيء تانـــي
دنيتي حبك حاجه حاسسها لامسها
شايفها لكن ولا اوصاف توصفهــا

واحلم لو غمضت عنيـــه احلام حلوه .. كتير ورديـــه
فيها عيون وخدود وشفايـــف بتطير فيّ فوق ليالـــــــيّ

لما بشوفك القاك احلى من الاحلام كل الاحــــــــلام
ياللي ايديك سهرّت الدنيا ورمشك حضن السحر ونــــام

وده ليه يا تــــرى يجرى لي اللي جــــرى
واما بفكراسقيك اكثر مابتسقيني الحب ليـــالــي
ما لقاش فرحه جات على بالي الا وحبك فرحهــالـــي

وزي ما جينا جينــــــا
ومش بإيدينا جينـــــا
زي ما رمشك خذ ليالـــيّ وحكم وامر فيها وفـــيَ
ولقيت بيتي بعد الغربة وقلبك ده وعيونــــــك ديّ
ولقيت روحي ف أحضان قلبك بحلم واصحى واعيش على حبك
حتى في عز عذابي بحبك عارف ليه .. من غير ليــــــه
***

حبيبي .. آه يا حبيبــــــي كل مافيك يا حبيبي حبيـبــي
شعرك ليلي جبينك قمــــري حبك رحلة عمري وقـــدري
ليلي حلي عمري حلــــي وكل شيء بالكون حلــــــي
لكن هناك تنهيــــــــده في القلب اللي م الخوف ما خلــي
يقول يا فرحة اتمهلـــــي وتمهلي وتمهلــــــــي
ده المبتلي بالـــــــحب مهما تهنى برضوا مبتلـــي

خايف طيور الحب تهجر عشها وترحل بعيـد
خايف على بحر الدفا ليلة شتا يصبح جليــــد
خايف لا بكره يجينا ياخذنا من ليالينــــا
سكة عذاب تاه فيها احباب كثير قبلينــا
عارف كل الخوف من بكره ده ليه يا حبيبـي
عارف سر عذابي وحيرتي ده ايه يا حبيبــي
علشان انت الروح في الدنيا اللي بعيش فيها
وانا من غيرك كل حياتي تضيع بعديهــــا

وزي ما جينا جينا ومش بإيدينا جينــــــــا
زي ما رمشك خذ لياليّ وحكم وامر فيها وفــــــيَ
ولقيت بيتي بعد الغربة وقلبك ده وعيونــــــك ديّ
ولقيت روحي ف أحضان قلبك بحلم واصحى واعيش على حبك
حتى في عز عذابي بحبك عارف ليه .. من غير ليــــــه
من غير ليه آه يا حبيبي بحبــــك
***
مش معقول يا حبيبي ابدا مش معقــــــول
القدر اللي هداني بحبك يوم من الايام يبقى عــذول
مش معقول حبنا يا حياتي يقدر يقسى وينسى احبابــــه
بعد ما كنا في حضنه ليلاتي نرجع تاني نوقف على بابه
روح يا حزن روح اوعى تقرب لينــا
ده احنا حبايب حبنا مهنينـــــــا
والحب روحنا وارضنا وسمانـــــا
ويا حزن قل لي منين بقى حتجينـــا

علي بيتنا بالحب النجوم متجمعــــــه
على بابنا شجرة ورد حلوه مفرعــه على كل شباك الف شمعه مولعــــــه
ويا حزن قل لي منين بقى حتجينـــا روح يا حزن روح اوعى تقرب لينــا
ده احنا حبايب حبنا مهنينـــــــا والحب روحنا وارضنا وسمانـــــا
ويا حزن قل لي منين بقى حتجينـــا يا عيون البي يا احلى عيــــون
يالله نعيش وكفايه ضنــــــــون يالله نخلي عمرنا كله كله ليلـــــــه
بعيده عن الاحرمان وعن الاحــــزان وان لام حد علينا نقولــــــــه
لولا الحب ما كان في الدنيا ولا انســان